««Ապրելու երկիր»ը Փարաքարի ընտրություններին կմասնակցի «Հաղթանակ» կուսակցության հետ «Միասնություն» դաշինքով, ցուցակը գլխավորում է Վալոդյա Գրիգորյանը
Փարաքարի ավագանու ընտրություններին մասնակցող «Միասնություն» դաշինքի ընտրական ցուցակի առաջին համարը գլխավորում է «Ապրելու երկիր» կուսակցության անդամը
«Ապրելու երկիր» կուսակցությունը հայատարարություն է տարածել, որտեղ ասվում է, որ կուսակցությունը մասանկցելու է Փարաքար համայնքի ընտրություններին «Հաղթանակ» կուսակցության հետ համատեղ «Միասնություն» դաշինքով։
««Ապրելու երկիր» կուսակցությունը Փարաքար համայնքում նպատակ ունենալով արձանագրել միանձնյա հաղթանակ և ստանձնել համայնքի կառավարումը, որոշում է կայացնել Փարաքար համայնքի ընտրություններին մասնակցել «Հաղթանակ» կուսակցության հետ համատեղ «Միասնություն» դաշինքով՝ միավորելով համայնքի զարգացման հարցում մտահոգ քաղաքացիներին»,-հայտարարել է կուսակցությունը։
Ցուցակը կգլխավորի «Ապրելու երկիր» կուսակցության քաղաքական խորհրդի անդամ Վալոդյա Գրիգորյանը։
«Երեք տարվա ընթացքում մեր թիմը արել է առավելագույնը լինել Փարաքար համայնքի բնակիչների կողքին և համայնքի կարող բազմաթիվ քաղաքացիների հետ միասնական ջանքերը, վստահ ենք արձանագրելու են հաղթանակ՝ վերականգնելով արդարությունը»,-նշված է հայտարարության մեջ։
