Տորոնտոյի հայ երիտասարդները ակցիա են իրականացրել՝ իրազեկելով Արցախի ռազմագերիների խնդիրը
Մարտ 15,2025 21:03
Տորոնտոյի հայ երիտասարդները հավաքվել էին Toronto Eaton Centre-ում՝ հագնված որպես Ադրբեջանում անազատության մեջ գտնվող Արցախի ռազմագերիներ, որպես իրազեկում նրանց ճակատագրի մասին։ Այս մասին իր ֆեյսբուքյան էջում հայտնել է Ապրելու երկիր կուսակցության նախագահ Մանե Թանդիլյանը:
«Այնուհետև նրանք քայլերթ են իրականացրել Տորոնտոյի փողոցներում՝ ներկայացնելով ռազմագերիներին և բարձրաձայնելով նրանց ազատության պահանջը։
Աշխարհասփյուռ հայ ժողովուրդը պատասխանատու է իր հայրենակիցների համար»,- գրել է նա։
