Մյանմարում և Թաիլանդում առնվազն 152 մարդ է զոհվել ուժգին երկրաշարժից
Մյանմարում և հարևան Թաիլանդում այսօր տեղի ունեցած ուժգին երկրաշարժի զոհերի թիվն այս պահին 152 է։
Տեղից ստացվող պաշտոնական տեղեկությունների համաձայն՝ 144 մարդ զոհվել Մյանմարում, առնվազն 8 մարդ մահացել է Թաիլանդի մայրաքաղաքում։
BBC-ի հաղորդմամբ՝ Թաիլանդում շատերը հայտնվել են «թակարդում» բարձրահարկ շենքի փլուզման պատճառով։
Կեսօրին տեղի ունեցած 7,7 մագնիտուդով երկրաշարժի էպիկենտրոնը Մյանմարի Մանդալա քաղաքի մոտ էր, դրան հաջորդել է 6,4 մագնիտուդ ուժգնությամբ հետցնցում:
Մյանմարի ռազմական գերատեսչության ղեկավարը հայտարարել է, որ զոհվել է առնվազն 144 մարդ, ևս 730-ը վիրավորվել։
Մյանմարը համարվում է աշխարհի ամենաաղքատ երկրներից մեկը։
Մարդասիրական կազմակերպությունները փորձում են գնահատել Մյանմարում հումանիտար կարիքներն ու հասկանալ՝ ինչպես արձագանքել։
Աշխարհի ամենաաղքատ երկրներից մեկը՝ Մյանմարը կառավարվում է ռազմական խունտայի կողմից, որը մեկուսացված է աշխարհից, և հնարավոր է ժամանակ պահանջվի օգնության աշխատակիցներին ներս թողնելու համար։
Ռազմական խունտան դիմել է օգնության համար դիմել է միջազգային կազմակերպություններին, նշելով՝ մենք ցանկանում ենք, որպեսզի միջազգային հանրությունը հննարավորինս շուտ աջակցություն ցուցաբերի։
