ԱՄՆ պետդեպարտամենտը հայտարարել է USAID-ը լուծարելու մասին
ԱՄՆ պետդեպարտամենտը հանդես է եկել հայտարարությամբ, որում հայտնել է Միջազգային զարգացման գործակալության (USAID) լուծարման մասին։
Հայտարարության մեջ նշված է․«Պետդեպարտամենտը եւ USAID-ը Կոնգրեսին ծանուցել են վերակազմավորում իրականացնելու իրենց մտադրության մասին, որը մինչեւ 2025թ. հուլիսի 1-ը USAID որոշ գործառույթներ կփոխանցի պետդեպարտամենտին, իսկ այն գործառույթները, որոնք չեն համապատասխանում Միացյալ Նահանգների վարչակազմի առաջնահերթություններին, կդադարեցվեն։
«Ցավոք, գործակալությունը վաղուց շեղվել է իր սկզբնական առաքելությունից, , ինչի հետևանքով ծախսերը շատ էին, իսկ շահույթը՝ չափազանց ցածր։ Ճիշտ ցուցաբերված օտարերկրյա օգնությունը կարող է առաջ տանել մեր ազգային շահերը, պաշտպանել մեր սահմանները եւ ամրապնդել գործընկերությունը հիմնական դաշնակիցների հետ: Շնորհիվ նախագահ Թրամփի, այս ապակողմնորոշված և հարկաբյուջետային անպատասխանատու դարաշրջանն այժմ ավարտվել է։
Մենք վերակողմնորոշվում ենք օտարերկրյա աջակցության ծրագրերը, որպեսզի դրանք ուղղակիորեն համահունչ լինեն Միացյալ Նահանգների և մեր քաղաքացիների շահերին։ Մենք շարունակում ենք կյանքեր փրկող հիմնական ծրագրերը և իրականացնում ենք ռազմավարական ներդրումներ, որոնք ամրապնդում են մեր գործընկերներին և մեր երկիրը»,-ասվում է հայտարարության մեջ։
