Մեծավան․ Հայաստանի՝ կաթոլիկ հայերով բնակեցված ամենամեծ գյուղը
Տաշիր համայնքի Մեծավան գյուղը հյուսիսից և արևելքից շրջապատված է Վիրահայոց լեռներով, արևմուտքից Ջավախքի լեռներով։ Վրաստանին սահմանակից բնակավայրը նախկինում կրել է Շահնազար անունը:
Գյուղի բնակչության հիմնական մասը 1820-22թ․թ․-ին գաղթել է Ալաշկերտից: Շահնազարը Մեծավան է վերանվանվել 1978 թ․-ին:
Տարեց մեծավանցիները նշում են, որ գյուղը նախկինում ավելի քան 10․000 բնակիչ է ունեցել։ Թեև բնակչության թիվը շուրջ 4․000-ով նվազել է, այժմ էլ Մեծավանը Լոռու մարզի ամենաբազմամարդ, և Հայաստանի՝ կաթոլիկ հայերով բնակեցված ամենամեծ գյուղն է։
Մեծավանցիներն առանձնացնում են 2 կարևորագույն խնդիր, որոնք գյուղի զարգացման հիմնական խոչընդոտ են համարում՝ աշխատատեղերի բացակայությունը և գյուղից համայնքային կենտրոն տանող ճանապարհահատվածի անբարեկարգ վիճակը։
Մանրամասները՝ տեսանյութում։
