«Լժիկ հայերը ֆրանգներն ին»․ մեծավանցի Պարգևը՝ իրենց սովորույթների և բարբառի, անցյալի ու ներկայի մասին

Լոռու մարզի Տաշիր համայնքի Մեծավան բնակավայրը նախկինում անվանվել է Շահնազար: Ըստ ազգագրագետ Երվանդ Լալայանի, գյուղն այդպես է կոչվել` ի պատիվ մելիք Շահնազարյանի, ով Ռուսաց կայսեր կողմից Լոռին ստացել էր որպես ժառանգական տիրույթ: Սակայն Հայր Սարգիս վարդապետ Յազիչյանն իր ձեռագիր հիշատակարանում այլ տարբերակ է ներկայացրել։
Մեծավանը Հայաստանի՝ հայ կաթոլիկներով բնակեցված ամենամեծ գյուղն է։ Բնակչության մեծամասնությունը Արևմտյան Հայաստանի Ալաշկերտ գավառից գաղթած հայերի սերունդներն են։
Գյուղի հնաբնակներից Պարգև Հարությունյանը ծնվել և ամբողջ կյանքն անցկացրել է Մեծավանում, լավ գիտի գյուղի և ամբողջ տարածաշրջանի պատմությունը, մարդկանց, ավանդույթներն ու ինքնատիպ սովորույթները։
Վիրահայոց լեռներով շրջապատված գյուղում ապրում են բարի, խաղաղասեր և աշխատասեր մարդիկ, որոնք հիմնականում պահպանում են իրենց ավանդական սովորույթները, խոսում են Մշո բարբառով՝ Ալաշկերտի խոսվածքով։
Մանրամասները՝ REGIONS TV-ի տեսանյութում։