Ադրբեջանի ԶՈւ-ն գնդակոծել է Խնածախ բնակելի տունը, Բաքուն պետք է հետաքննի ու պարզաբանում տա․ ՀՀ ՊՆ
Մայիս 10,2025 10:31
Մայիսի 9-ին՝ ժամը 22:20-ի սահմաններում, Ադրբեջանի ԶՈՒ ստորաբաժանումները կրակ են բացել Սյունիքի մարզի Խնածախ բնակավայրի ուղղությամբ, ինչի հետևանքով վնասվել է բնակելի տան տանիքը։ Այս մասին հայտնում է ՀՀ ՊՆ-ն։
« Տուժածներ չկան: Ադրբեջանական կողմին կոչ ենք անում հետաքննել Խնածախի բնակելի տան գնդակոծման փաստը և հանդես գալ հրապարակային պարզաբանումներով։», – նշված է ՊՆ հաղորդագրության մեջ։
