Հայաստանը պետք է կարողանա պաշտպանել իր տարածքը, բնակչությանը․ պաշտպանության բնագավառում ՀՀ- Ֆրանսիա համագործակցությունը կշարունակվի
Սեպտեմբեր 16,2024 10:28
Ֆրանսիան շարունակելու է Հայաստանի հետ համագործակցությունը նաև պաշտպանության բնագավառում։ Այս մասին Երևանում հայտարարել է Ֆրանսիայի Եվրոպայի և արտաքին գործերի նախարար Ստեֆան Սեժուրնեն։
«Հայաստանը պետք է կարողանա պաշտպանել իր ամբողջականությունը, տարածքը, բնակչությանը։ Բարեկամների միջև բնական է համագործակցությունը նաև այս բնագավառում։ Մենք դա անում ենք սուվերենության հարգանքով ու առանց որևէ էսկալացիայի կամքի»,- նշել է նա։
Սեժուրնեն նաև տեղեկացրել է՝ Ֆրանսիայի ԱԳ նախարարությունում նոր պաշտոն է բացվել, որը պատասխանատու է լինելու Հայաստանի և Ֆրանսիայի միջև համագործակցությունների ծրագրի համար։
