Ինչպիսի՞ եղանակ է սպասվում հանրապետությունում
Փետրվարի 28-ին հանրապետության առանձին շրջաններում սպասվում է քամու ուժգնացում՝ 17-20 մ/վ արագությամբ, ինչով պայմանավորված լեռնային առանձին մարզերում սպասվում է բուք, ցածր հորիզոնական տեսանելիություն: Հանրապետության ճանապարհներին սպասվում է նաև մերկասառույց։
Հանրապետության տարածքում`
Փետրվարի 28-ին, մարտի 1-ի գիշերը, 2-ի ցերեկը, 3-4-ը սպասվում է առանց տեղումների եղանակ։ Մարտի 1-ի ցերեկը, 2-ի գիշերն առանձին շրջաններում սպասվում է ձյուն:
Քամին՝ հարավարևմտյան 2-5 մ/վ, փետրվարի 28-ին սպասվում է քամու ուժգնացում՝ 17-20 մ/վ արագությամբ, լեռնային շրջաններում՝ բուք, ցածր հորիզոնական տեսանելիություն։
Օդի ջերմաստիճանը փետրվարի 28-ի ցերեկը կբարձրանա ևս 2-3 աստիճանով։
Երևան քաղաքում`
Փետրվարի 28-ին, մարտի 1-ի գիշերը, 2-4-ը սպասվում է առանց տեղումների եղանակ։ Մարտի 1-ի երեկոյան սպասվում է թույլ ձյուն։
Երևան քաղաքի փետրվարի 28-ի բազմամյա կլիմայական տվյալներ.
- Օդի առավելագույն ջերմաստիճան՝ 19.6°C (1955թ.)
- Օդի նվազագույն ջերմաստիճան՝ -14.5°C (1992թ.)
- Օդի միջին օրական ջերմաստիճան՝ 2.4°C
