Բախվել են ավտոմեքենան և մարդատար գնացքը․ կա երկու զոհ և երկու տուժած
Մարտի 5-ին, ժամը 19։32-ին Ճգնաժամային կառավարման ազգային կենտրոն տեղեկություն է ստացվել, որ Արարատի մարզի Բուրաստան գյուղում ավտոմեքենան բախվել է մարդատար գնացքին։ Հայտնում են ՀՀ ՆԳՆ փրկարար ծառայությունից:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Բուրաստան-Բյուրավան ավտոճանապարհի 3-րդ կմ-ին՝ Բուրաստան գյուղի մոտակայքում, բախվել են «Հարավկովկասյան երկաթուղի» ՓԲԸ-ի մարդատար գնացքը և «VAZ» մակնիշի ավտոմեքենան, ինչի հետևանքով «VAZ» մակնիշի ավտոմեքենայի վարորդը և ուղևորը տեղում մահացել են։
Հատուկ տեխնիկայի օգնությամբ փարկարարներն արգելափակումից դուրս են բերել «VAZ» մակնիշի ավտոմեքենայի երկու ուղևորի․ տուժածները հոսպիտալացվել են բժշկական կենտրոններ, այնուհետև դուրս են բերել դիերը և մոտեցրել դի տեղափոխող մեքենային։
Փրկարարները հոսանքազրկել են ավտոմեքենան և իրականացրել հերթապահություն։
Նորություններ
