Վրաստանից տեղափոխվող բեռների երրորդ ամենամեծ ծավալը բաժին է ընկել Հայաստանին
Մարտ 08,2025 21:52
Վրացական երկաթուղով բեռնափոխադրումների ծավալը 2024թ. կազմել է 13,7 մլն տոննա, 0,9 տոկոսով ավելի, քան 2023թ., տեղեկացրել է Վրաստանի «Սաքստատ» ազգային վիճակագրական ծառայությունը։
«Սաքստատի» տվյալներով՝ նշված ծավալի 10,4 տոկոսը բաժին է ընկնում տեղի փոխադրումներին, 30,2 տոկոսը՝ միջազգային փոխադրումներին (առանց տարանցման հաշվառման) եւ 59,4 տոկոսը՝ տարանցմանը, տեղեկացրել է «Sputnik Грузия»-ն։
Բեռների ամենամեծ ծավալը (10,2 տոկոս) տարվել է Ռուսաստան, 10,1 տոկոսը՝ Ղազախստան, 8,1 տոկոսը՝ Հայաստան։
Միջազգային հաղորդակցության ռեժիմով տեղափոխվել է 28,3 հազար ուղեւոր, ինչը 30,4 տոկոսով ավելի քիչ է 2023թ. համեմատ։ Ուղեւորների 71,1 տոկոսը եկել է Հայաստանից, իսկ Հայաստան մեկնել է 28,9 տոկոսը։ Ուղեւորափոխադրումներ այլ սահմանակից երկրներ 2024թ. չեն եղել։
Նորություններ
Sardinia World Chess Festival 2026. գրոսմայստեր Հայկ Մարտիրոսյանը՝ արծաթե մեդալակիր
11:26 11-05-2026
Վեդիում անչափահաս քույրերի հետ կապված գործով 3-րդ անձին է մեղադրանք ներկայացվել․ ՔԿ
22:02 08-05-2026
