Զելենսկի․ Հրադադար հնարավոր է, եթե ուկրաինական տարածքը վերցվի «ՆԱՏՕ-ի հովանու ներքո»
Ուկրաինայի նախագահն ասել է՝ «Հրադադարն անհրաժեշտ է «ապահովելու, որ Պուտինը չվերադառնա՝ ավելի շատ ուկրաինական տարածք գրավելու համար»։
Ուկրաինայի նախագահ Վլադիմիր Զելենսկին հայտարարել է, որ ՌԴ-ի հետ հրադադարի մասին համաձայնագիր կարող է կնքվել, եթե ուկրաինական տարածքը, որը Կիևը վերահսկում է, վերցվի «ՆԱՏՕ-ի հովանու ներքո»
Sky News-ի հետ հարցազրույցում Զելենսկին ասել է՝դա թույլ կտա հետագայում «դիվանագիտական ճանապարհով» բանակցել մնացածի վերադարձի շուրջ։
Ուկրաինային ՆԱՏՕ-ին միանալու հրավերը, որը կսահմաներ, որ դաշինքը ճանաչի Ուկրաինայի օրինականորեն գոյություն ունեցող սահմանները, ինչպես ասել է Զելենսկին, կարող է վերջ տալ պատերազմի «թեժ փուլին»։ Ընդ որում, Ուկրաինայի նախագահն ասել է, որ այդ հրավերը պետք է արագ տեղի ունենա։
«Հրադադարն անհրաժեշտ է «ապահովելու, որ Պուտինը չվերադառնա՝ ավելի շատ ուկրաինական տարածք գրավելու համար»,-ասել է Զելենսկին։
Հիշեցնենք, ՌԴ նախագահ Վլադիմիր Պուտինը Ուկրաինայի հետ խաղաղության բանակցություններ սկսելու պայման է նշել Ուկրաինայի՝ Ղրիմից ու չորս շրջաններից և ՆԱՏՕ-ին անդամակցելուց հրաժարվելը։
Անցած շաբաթ Ուկրաինան ամերիկյան ու բրիտանական հրթիռներով առաջին անգամ հարվածեց Ռուսաստանի խորքերում գտնվող թիրախներին։
Ռուսաստանն էլ կիրառել է իր ամենաժամանակակից զենքերից մեկը՝ միջին հեռահարության «Օրեշնիկ» բալիստիկ հրթիռը՝ թիրախավորելով Դնեպրը։
ՌԴ նախագահը սպառնացել է՝ Մոսկվան պատրաստ է նոր հարվածների, ընդ որում՝ ոչ միայն Ուկրաինայի ուղղությամբ։
