Արթուր Խաչատրյան․«Մտավախություն ունեմ, որ խաղաղության պայմանագրում վտանգավոր կետերի թիվը գնալով ավելանալու է»
Ընդդիմադիր պատգամավորն անդրադառնում է ընդդիմադիր պետգամավորների՝ ընդդեմ կառավարության և ԱԳ նախարարի ներկայացրած հացադիմումին, որով պահանջում են ոչ իրավաչափ համարել ԱԳ նախարարի 2024 թ. մարտի 14-ի գրությունը, որով խմբակցության պատգամավորներին արգելվել էր ծանոթանալ Ադրբեջանի հետ քննարկվող խաղաղության պայմանագրի փոխանակվող նախագծերին։
«Այն պահից երբ ադրբեջանական մամուլը ադրբեջանական քաղաքական գործիչները սկսեցին կաղկանձել որ ռեւանշիստները, այսինքն մենք հասանելիություն ունենք գաղտնի փաստաթղթերին, դրանից մի քանի օր հետո Նիկոլ Փաշինյանը ԱԺ ամբիոնից ասաց՝ ես արգելելու եմ, որ դուք այդ փաստաթղթերին տեղեկանաք։ Հիմնավորումը զավեշտ էր, ասաց՝ մի բան տեսնում եք, ուրիշ բան տեղեկացնում ենք»,-այս մասին այսօր խորհրդարանում լրագրողների հետ ճեպազրույցում ասաց «Հայաստան» խմբակցության պատգամավոր Արթուր Խաչատրյանն՝ անդրադառնալով խմբակցութան մի քանի պատգամավորների՝ կառավարության և ԱԳՆ-ի դեմ հայցադիմումին և հարցին՝ արդյոք նման արգելքի հիմք չկա՞ր։
Հիշեցնենք, պատգամավորներ Արթուր Խաչատրյանը, Քրիստինե Վարդանյանը, Աննա Գրիգորյանը, Գեղամ Մանուկյանն այս համատեղ հայցով պահանջում են ոչ իրավաչափ համարել ՀՀ ԱԳ նախարարի 2024 թ. մարտի 14-ի գրությունը, որով խմբակցության պատգամավորներին արգելվել էր ծանոթանալ Ադրբեջանի հետ քննարկվող խաղաղության պայմանագրի փոխանակվող նախագծերին։
Դատարանը՝ դատավոր Ռոբերտ Մաքեյանի նախագահությամբ, հայցադիմումը վարույթ ընդունելու որոշում է կայացրել։ Նշանակվել է նաև նախնական դատական նիստի օր, որը տեղի կունենա 2025 թվականի հունվարի 14-ին։
Լրագրողների հետ ճեպազրույցում Արթուր Խաչատրյանն այսօր ասաց՝ եթե այս իշխանությունները նման մեղադրանք են ներկայացնում, որ մենք մի բան կարդացել ենք, մեկ այլ բան ներկաացրել հանրությանը, դա կարելի է վճռել ընդամենը մի ձևով, թող հրապարակեն այն, ինչը, ըստ իրենց, մենք սխալ ենք ներկայացրել․«Մենք գործել ենք օրենքի շրջանակներում, այլապես հիմա ես առնվազն քրեական հետապնդման ենթարկվելիս կլինեի։Ոչ մի բան չենք խախտել, որևէ արտահոսք չենք արել: Տվել ենք քաղաքական գնահատական, որ այն թուղթը, որը շրջանառվում է Հայաստանի և Ադրբեջանի ԱԳ նախարարների միջև, կապիտուլյացիայի պայմանագիր է Հայաստանի ստրկացման, Հայաստանին անկախությունից, ազատությունից զրկելուն, Հայաստանի տարածքային ամբողջականության դեմ սպառնալիք ներկայացնող փաստաթուղթ է»։
Ըստ պատգամավորի՝ արգելքի մյուս պատճառն այն է, որ Նիկոլ Փաշինյանն ուզում է ցույց տալ, որ մեր երկրում միակ ասողը ինքն է․«Մյուս պատճառը՝ իրենք գալիս են ժողովրդի ակնջաներին արիշտա են կախում, թե գնում ենք դեպի խաղաղության, ընդդիմադիրները գալիս և ասում են՝ ստեղ խաղաղություն չկա, սա միակողմանի զիջումների փաստաթուղ է։ Այս ամենը նրանց դրդեց, որպեսզի խախտելով օրենքը, նաև՝ պատգմավորների գործունեության երաշխիքների մասին օրենքը, տեղեկատվութան ազատության մասին օրենքը որոշեն սահմանափակել մեր սահմանադրական իրավունքները, ինչպես նաև հանրության իրավունքը՝ տեղեկանալու, թե ինչ մեր թիկունքում ինչ փաստաթուղթ են ստորագրում Փաշինյանն ու Ալիևը»։
Դիտարկմանը՝ վերջին շրջանում տարբեր խողովակներով գաղտնազերծվել են խնդրահարույց դրույթները, Խաչատրյանը պատասխանեց՝ մտավախություն ունեմ, որ խաղաղության պայմանագրում վտանգավոր կետերի թիվը գնալով ավելանալու է:
Նա վստահ է, որ Ադրբեջանը նոր պայմաններ կառաջադրի։ Խաչատրյանը հիշեցրեց Ադրբեջանից հնչող պահանջները՝ ՀՀ ապառազմականացումը, Սահմանադրությունը հանրաքվեով փոխելը, ԵՄ դիտորդներին Հայաստանի սահմանամերձ շրջաներից դուրս բերելը։
Պատգամավորը նաև վստահեցրեց, որ արգործնախարարի՝ ընդդիմադիր պետգամավորներին խաղաղության պամանագրի փոխանակվող նախագծերին ծանոթանալու արգելքում կոնկրետ հիմնավորում նշված չէ, գրել են՝ «նպատակահարմար չենք գտնում»։
