«Արցախս կորցրել եմ, Հայաստանս չեմ ուզում կորցնել»
Դեկտեմբեր 03,2024 21:01
Ավելի քան 1 տարի Սուլեյմանյանները Գյումրիում վարձով են ապրում: Ամբողջ կյանքում Արցախում են բնակվել, պատերազմներ, զրկանքներ տեսել, բռնի տեղահանումից հետո Հայաստան են տեղափոխվել: Նոր ապրելակերպին հարմարվել են, գոհ են գյումրեցիներից, իրենց սրտաբաց են դիմավորել, աջակցում են, բայց ընտանիքի խնդիրներն այստեղ բազմապատկվել են, որովհետև աշխատանք չունեն:
Տանտիրուհու՝ Թամարա Սուլեյմանյանի մոտ առողջական խնդիրներ են ի հայտ եկել: Տարիների ամբողջ ստեղծածը, անասնապահական ֆերման ու նռան այգին Արցախում են թողել: Հայաստանում փորձում են ամեն ինչ նորից սկսել, բայց շարունակ դժվարությունների են բախվում:
