Արգիշտի Մեխակյանը նշանակվեց Արմավիրի մարզպետ
ՀՀ կառավարությունն իր այսօրվա՝ դեկտեմբերի 5-ի նիստում Արգիշտի Մեխակյանին նշանակեց Հայաստանի Հանրապետության Արմավիրի մարզպետ:
Նիկոլ Փաշինյանը նշեց, որ Արգիշտի Մեխակյանը Խոյ խոշորացված համայնքի ղեկավարն է եղել, ԱԺ պատգամավոր, իսկ ավելի վաղ զբաղեցրել է Արմավիրի մարզպետի տեղակալի պաշտոնը։
«Վերջին տարիներին Արգիշտի Մեխակյանը ներգրավված է եղել պետական կառավարման համակարգում»,- ասաց Նիկոլ Փաշինյանը։
Արգիշտի Մեխակյանը շնորհակալություն հայտնեց մարզպետի պաշտոնում իրեն առաջադրելու համար։
«Ինձ համար չափազանց մեծ պատիվ է ստանձնելու Արմավիրի մարզպետի պաշտոնը, ունենալ անմիջական ներգրավվածություն հարազատ մարզի զարգացման, հզորացման գործում։ Քաջատեղյալ լինելով մարզի խնդիրներին՝ ամեն ինչ անելու եմ արադարացնելու ինձ վստահող մարդկանց ու Արմավիրի մարզի բնակչության ակնկալիքները»,- ասաց նա։
Հիշեցնենք, որ օրերս Արմավիրի մարզպետի պաշտոնը զբաղեցնող Դավիթ Խուդաթյանը նշանակվել է ՏԿԵ նախարար:
