«Քանի որ «Արևմտյան Ադրբեջան» մտացածին անվանումով հասկացություն ՀՀ-ում երբեիցե գոյություն չի ունեցել, ապա չեն կարող լինել «արևմտյան ադրբեջանցիներ»․Ոսկանյան

Ալիևը ՀՀ ինքնիշխան տարածքը անվանել է «Արևմտան Ադրբեջան» և պահանջել ՀՀ-ից բանակցություններ սկսել «Արևմտյան Ադրբեջանի համայնքի» հետ

Իրանագետ Վարդան Ոսկանյանը Ֆեյսբուքի իր էջում դրադառնում է Ադրբեջանի նախագահի Իլհամ Ալիևի օրերս արած հայտարարությանը, որտեղ նա Հայաստանի ինքնիշխան տարածքի մի մասն անվանել է «Արևմտյան Ադրբեջան»։

Ոսկանյանը գրել է․«Քանի որ, այսպես կոչված, «Արևմտյան Ադրբեջան» մտացածին անվանումով ո՛չ պատմական, ո՛չ աշխարհագրական, ո՛չ վարչական, ո՛չ մշակութային և որևէ այլ բնույթի հասկացություն Հայաստանի Հանրապետության տարածքում երբեիցե գոյություն չի ունեցել և գոյություն չունի, ապա չեն կարող լինել և ոչ մի «արևմտյան ադրբեջանցիներ» կամ առավել ևս դրանց ներկայացնող իսկապես իրավազոր համայնք, կառույցներ կամ կազմակերպություններ։

Կոլտնտեսական ակումբի մակարդակով կազմակերպված, սակայն Բաքվի բարբարոսական վարչախմբի քարոզչամեքենայի կողմից որպես «միջազգային» հրամցվող «Վերադարձի իրավունքեր» մեծադղորդ անվանումով, իբր, համաժողովի ընթացքում Բաքվի բռնապետի՝ Հայաստանին ներկայացրած պահանջները նույնքան անհիմն են և արհեստական, որքան դրա իսկ ղեկավարած քաղցկեղային գոյացությունը ժամանակին Ադրբեջան կոչելը։

Մինչդեռ Բաքվի բարբարոսական պարագլխի լկտիությունն այն աստիճանի է հասել, որ վերջինս համարձակվում է, բռունցք թափ տալով, պահանջներ ներկայացնել այնպիսի հինավուրց քաղաքակրթության և պետության, ինչպիսին Հայաստանն է։

Իրապես անվտանգ և զարգացող Հայաստանի իրական տեսլականը պետք է ենթադրի ոչ թե այս սինլքորի հոխորտանքների բավարարում, այլ առվազն սրա լռեցում»։

Հիշեցնենք՝ Ալիևը Բաքվում տեղի ունեցած համաժողովի ընթացքում ասել է․«Հայաստանը փորձում է «Արևմտյան Ադրբեջանի համայնքի» գործունեությունը որպես սպառնալիք ներկայացնել իր տարածքային ամբողջականությանը, իսկ համայնքի նպատակն «Արևմտյան Ադրբեջան»-ից վտարվածների արժանապատիվ վերադարձն է իրենց պապենական հողեր՝ խաղաղ և ապահով պայմաններում:

․․․ Հայաստանը հերքում է ադրբեջանական ժողովրդի դարավոր ներկայությունը իր պապենական հողերում, որտեղ ոչնչացվում են «Արևմտյան Ադրբեջան»-ի պատմական հուշարձանները, գերեզմանոցները, մզկիթներն և հնագույն բնակավայրերը»։

Ալիևն ասել է՝ «տարածաշրջանի պատմությունն ու մշակութային լանդշաֆտը խեղաթյուրելուն և վերաշարադրելուն ուղղված այս ավերիչ գործողությունները անհանդուրժողականություն և ռասիզմի դրսևորումներ են»։

Նա պահանջել է․« Հայաստանը պետք է բանակցություններ սկսի «Արևմտյան Ադրբեջանի համայնքի» հետ։