Ի՞նչ է ակնկալում Փաշինյանը Արևմուտքից ՀԱՊԿ-ը լքելու դիմաց. քաղաքագետ
Հայաստանի անվտանգության արտաքին բաղկացուցիչն այսօր փաստացի բացակայում է,-REGIONS TV-ի հետ զրույցում անդրադառնալով ՀԱՊԿ-ի վերաբերյալ Նիկոլ Փաշինյանի հայտարարությանը, թե անդառնալիության կետն արդեն հատված է, հայտարարեց քաղաքագետ Աննա Կարապետյանը:
«Իրական խնդիր է նաև այն, որ այսօրվա իշխանությունը, ստեղծած չլինելով փաստացի այլընտրանք, հրաժարվում է թեկուզ շատ վատ գործող այն համակարգերից, որոնք կան: Եթե գոնե այդ պայմանագրերի հիման վրա կար հնարավորություն պահանջել ինչ-որ բան, այսուհետև ստեղծվում է իրավիճակ, որ դրա հնարավորությունն էլ չլինի հնարավոր էսկալացիայի պարագայում»,-ընդգծեց Կարապետյանը:
«Երևանի այս քայլերն Արևմուտքի սրտով են, բայց նրանց առաջարկած այլընտրանքն այսօր չենք տեսնում: Բավական է այսօր նայել Ուկրաինային և հասկանալ, թե ինչ չպետք է ակնկալենք Արևմուտքից»:
Քաղաքագետը համոզված է՝ Արևմտյան երկներից որևէ մեկը չի գալու Հայաստանի հետ մեր երկրի անվտանգությունն ապահովելու. «Ինձ թվում է իշխանությունը դա շատ լավ հասկանում է, պատահական չէ, որ Բաքվից հնչող ապառազմականացման կոչերին որևէ կտրուկ, ակտիվ արձագանք չեն տալիս»:
Ինչո՞ւ ՀԱՊԿ-ի հարցով Փաշինյանը կտրուկ քայլերի չի գնում, ո՞րն է ձգձգելու իրական պատճառը: «Գուցե որոշակի վախեր ունի, կամ Արևմուտքից որոշակի գին է ակնկալում իր այդ գործողությունների համար: Ցավոք սրտի, մենք հասկանում ենք՝ Փաշինյանի որդեգրած քաղաքականությունը, որն էլ մեզ բերել է այս ամբողջ աղետը, իրականում հակասություններից դիվիդենտներ քաղելու, կամ, այլ կերպ ասած, Հայաստանը աճուրդի դնելու վրա է հիմնված»,- նշեց քաղաքագետը:
