Սարիկ Մինասյանը կադրային ջարդ չի անի, բայց անվստահելի աշխատակիցների հետ չի աշխատի
Դեկտեմբեր 13,2024 19:15
Գյումրու քաղաքապետի ժամանակավոր պաշտոնակատար նշանակվելուց հետո Սարիկ Մինասյանին այսօր Գյումրու համայնքապետարանի բաժինների պետերին ներկայացրեց ՀՀ Տարածքային կառավարման և ենթակառուցվածքների նախարար Դավիթ Խուդաթյանը։
Գյումրի համայնքի ղեկավարի պաշտոնը թափուր է մոտ 2 ամիս, տեղական ինքնակառավարումը՝ կաթվածահար վիճակում։
Գյումրիում ՔՊ-ի անցկացրած նախնական ընտրությունների արդյունքում հաղթած Սարիկ Մինասյանը խոստանում է արագ շտկել վիճակը։ Նախարարի խոսքով՝ պաշտոնակատարի թիկունքին ՔՊ-ի ամբողջ թիմն է ու կառավարության աջակցությունը։
