Կյանքից անժամանակ հեռացել է Կարինե Հարությունյանը
Խոր ցավով և կսկիծով տեղեկացնում ենք, որ կյանքից անժամանակ հեռացել է «Թիմ Ռեսուրս» ՀԿ նախագահ, REGIONS TV-ի հիմնադիր, ԳԱԼԱ TV-ի նախկին գործադիր տնօրեն Կարինե Հարությունյանը։
Կարինեն իր ջերմեռանդությամբ և լավատեսությամբ օրինակ էր ծառայում բոլոր մտերիմներին ու գործընկերներին՝ ինչպես պետք է սիրել ու հոգ տանել, ինչպես պետք է գործել, պայքարել ու ծառայել հայրենիքին, ինչպես պետք է կիսել յուրաքանչյուր մարդու ցավն ու կարեկից լինել, ինչպես պետք է սիրել, ոգևորել, ներել, ձեռք մեկնել մարդուն։
Նա սիրում էր կյանքը, փորձում էր իր հարազատների ու գործընկերների հետ ապրած ամեն մի օրը դարձնել բովանդակալի ու հագեցած, մտածում էր ապագայի մասին՝ իր մարդկային որակներն ու մասնագիտական հմտությունները փոխանցելով երիտասարդներին։
Կարինեն շրջապատը լուսավորող հազվագյուտ մարդկանցից էր,և այդ շրջապատի մարդկանց նա միշտ պարուրում էր իր սիրով և հոգատարությամբ, զարմացնում՝ նրբանկատությամբ, սթափեցնում՝ խստապահանջությամբ, ոգևորում՝ ջանասիրությամբ:
Հանգչիր խաղաղությամբ, լույսերի մեջ մնաս սիրելի մարդ, մեր լուսավոր Կարինե․․․
Կարինե Հարությունյանը ծնվել է 1965թ․-ի հուլիսի 27-ին՝ Լենինական քաղաքում։
