Գորիսում վառվեցին քաղաքի գլխավոր տոնածառի լույսերը
Դեկտեմբեր 24,2024 22:07

Գորիսում մեծ տոնակատարությամբ վառվեցին քաղաքի գլխավոր տոնածառի լույսերը։ Հազարավոր գորիսեցիներ և հյուրեր մասնակցեցին տոնական միջոցառմանը։
Մշակութային խմբերի, երգիչ-երգչուհիների և պարային համույթների կատարումներով օրը վերածվեց իսկական տոնի։ Փոքրիկները մեծ խանդավառությամբ միացան տոնական ծրագրին։ Գորիսի համայնքապետարանը նաև մրցույթ կազմակերպեց և նվերներով ուրախ պահեր պարգևեց երեխաներին։
Տոնական համերգային ծրագիրը ներառում էր ամանորյա սիրված երգեր, պարային կատարումներ և թատերական փոքրիկ ներկայացումներ։
Արևիկ Աբելյան