Նյու Յորքում ընթացող աշխարհի կայծակնային շախմատի տղամարդկանց առաջնությունում չեմպիոններ են դարձել Մագնուս Կարլսենը և Յան Նեպոմնյաշչին, իսկ կանանց առաջնությունում՝ Ցզյու Վենցզյունը: Տեղեկությունը հայտնում է Հայաստանի շախմատի ֆեդերացիան։
«Տղամարդկանց առաջնությունում մրցանակակիրների շարքում է նաև հայ գրոսմայստեր Հայկ Մարտիրոսյանը, ով 13 հնարավորից վաստակեց 9 միավոր և կիսեց 11-13-րդ հորիզոնականները»,–ասված է հաղորդագրության մեջ:
Իսկ կանանց առաջնությունում մրցանակակիրների շարքում է նաև հայ գրոսմայստեր Էլինա Դանիելյանը, ով 11 հնարավորից վաստակեց 7 միավոր և կիսեց 14-24-րդ հորիզոնականները:
Բոլոր մասնակից հայ շախմատիստների արդյունքները ստորև՝
Հայկ Մարտիրոսյան՝ 9 միավոր
Տիգրան Պետրոսյան՝ 7 միավոր
Կարեն Գրիգորյան՝ 6.5 միավոր
Զավեն Անդրիասյան՝ 6.5 միավոր
Ռոբերտ Հովհաննիսյան՝ 6.5 միավոր
Արամ Հակոբյան՝ 6 միավոր
Շանթ Սարգսյան՝ 5.5 միավոր
Էմին Օհանյան՝ 4.5 միավոր
Էլինա Դանիելյան՝ 7 միավոր
Աննա Սարգսյան՝ 6.5 միավոր
Մարիամ Մկրտչյան՝ 5.5 միավոր։
