Էլինա Ավանեսյանը Հոբարթի մրցաշարի կիսաեզրափակչում է. 3 օրից նա կսկսի պայքարը նաև Australian Open-ում
Հունվար 09,2025 15:45
Աշխարհի 44-րդ ռակետ Էլինա Ավանեսյանը հայտնվել է Ավստրալիայի Հոբարթ քաղաքում անցկացվող WTA-250 մրցաշարի կիսաեզրափակչում։ Քառորդ եզրափակչում Էլինա Ավանեսյանի մրցակից, աշխարհի 36-րդ ռակետ, ամերիկացի Ամանդա Անիսիմովան չի ներկայացել խաղին՝ հիվանդության պատճառով։
Մրցախաղը պետք է տեղի ունենար հունվարի 9-ին։
Եզրափակչի ուղեգրի համար Էլինա Ավանեսյանը կմրցի աշխարհի 67-րդ ռակետ, ամերիկացի Մաքարթնի Քեսլերի հետ:
Նշենք նաև՝ Ավանեսյանը հունվարի 12-ին կմեկնարկի Ավստրալիայի Բաց առաջնությունում: Հայաստանի ներկայացուցչի մրցակիցը կլինի աշխարհի 25-րդ ռակետ, Ղազախստանի ներկայացուցիչ Յուլյա Պուտինցևան։ Այդ օրը ելույթները կսկսի նաև հայազգի Կարեն Խաչանովը: Աշխարհի 19-րդ ռակետն առաջին շրջանում կմրցի աշխարհի 73-րդ ռակետ, ֆրանսիացի Ադրիան Մանարինոյի հետ։
