Ջալալ Հարությունյանը դատապարտվեց 5,5 տարի ժամկետով
Արցախի պաշտպանության բանակի նախկին հրամանատար Ջալալ Հարությունյանը դատապարտվեց 5,5 տարի ժամկետով: Հունվարի 15–ին Սյունիքի մարզի դատարանը նրան մեղավոր է ճանաչվել։
Հիշեցնենք, որ մեղադրանքը վերաբերում է 2020 թվականի հոկտեմբերի 12-ի Ցորի զորամասի Դ-20 դիվիզիոնի վրա հակառակորդի հարձակման հետևանքով ունեցած կորուստներին։
Ջալալ Հարությունյանը մեղավոր է ճանաչվել «զինվորական պաշտոնեական անփութություն, որը կատարվել է պատերազմի ժամանակ կամ մարտի պարագաներում, կամ որն անզգուշությամբ առաջացրել է մարդու մահ» հոդվածով։
Այսինքն, նրա նա մեղադրվում է սխալ հրաման տալու համար: Մեղադրող կողմը պնդում է, որ հենց նրա գործողությունների հետևանքով է Ցորի զորամասի 20 զինվոր հայտնվել հակառակորդի թիրախում ու սպանվել, երբ փորձել են ճշտել՝ առջևից եկողները հայե՞րն են, թե՞ ադրբեջանցիները:
Ջալալ Հարությունյանը մեղադրանքը չի ընդունում, նրա պաշտպան Արսեն Սարդարյանը վերջին նիստից հետո հայտարարել էր, որ բողոքարկելու են դատարանի վճիռը։
