Տան վարձից շատ կոմունալ վճարն է. տեղահանված ընտանիքը՝ հյուսիսային գյուղում
Փետրվար 14,2024 20:00
Մարինա Թարգուլյանի ընտանիքը բռնի տեղահանության է ենթարկվել Արցախի Մարտակերտի շրջանի Հաթերք գյուղից, հաստատվել է Շիրակի մարզի Իսահակյան գյուղում: Այս համայնքն են ընտրել, քանի որ տան վարձավճարը զգալիորեն քիչ է քաղաքներում սահմանված «գնացուցակի» թվերից:
Սակայն մեղմ եղանակային պայմաններին սովոր այս ընտանիքի համար մեծ հոգս է դարձել ջեռուցման ապահովումը: Օգտագործած գազի եւ էլեկտրաէներգիայի դիմաց ավելի քան 70.000 դրամ են վճարել: 5 երեխաների մայրը տան գործերը դժվարությամբ է հասցնում, իսկ հայրը մեկնել է Ռուսաստան, աշխատատեղի փնտրտուքների մեջ է:
