Ֆրանսիացի Ժոն բացահայտել է Արենիի գրավչության գաղտնիքը
Հուլիս 06,2023 20:12
Վայոց ձորի մարզի Արենի գյուղը, որը բազմած է Արփա գետի ափերին, հայ և օտարազգի զբոսաշրջիկների նախընտրելի ուղղություններից է: Տարածաշրջանում շատ են հնավայրերը, պատմական ու բնական հուշարձանները, հայտնի են Մագիլի և Թռչունների քարանձավները, կանգուն է Մոմիկ ճարտարապետի կողմից 14-րդ դարում կառուցված Սուրբ Աստվածածին եկեղեցին։
Բնակիչները, ավանդույթի համաձայն, հիմնականում զբաղվում են այգեգործությամբ ու գինեգործությամբ, ունեն իրենց մեծ ու փոքր տնտեսությունները, բարիք են ստեղծում և՛ իրենց, և՛ հյուրերի, և՛ պետության համար։
Ինչպե՞ս է հաջողվում Արենիի բնակիչներին լինել ինքնաբավ՝ անգամ երկրի համար դժվարին ժամանակաշրջաններում, և ո՞րն է պատճառը, որ տուրիստական խմբերը անգամ 2-րդ, 3-րդ այցելության ժամանակ չեն շրջանցում այս վայրերը:
