Թուրքիայի միակ հայկական գյուղում նշվել է Մարիամ Աստվածածնի վերափոխման տոնը
Օգոստոս 19,2024 21:35
Թուրքիայի հարավային Հաթայ նահանգի Սամանդաղի շրջանում գտնվող միակ հայկական գյուղում նշվել է «Մարիամ Աստվածածնի վերափոխման» տոնը:
Վաքըֆլըի հայկական եկեղեցում անցկացված միջոցառմանը մասնակցել են մեծ թվով հայեր, այդ թվում՝ Սամանդաղից, Անթաքյայից, Իսքենդերունից և արտերկրից:
Տոնակատարությանը ներկա է գտնվել նաև Պոլսո հայոց պատրիարք Սահակ արքեպիսկոսպոս Մաշալյանը:
Նշենք, որ «Մարիամ Աստվածածնի վերափոխման» տոնը հայկական 5 տաղավար տոներից մեկն է: Ժողովրդի շրջանում հայտնի է որպես «Խաղողօրհնեքի» տոն:
Այն տոնվում է տարվա մեջ մեկ անգամ՝ օգոստոսի 15-ին նախորդող կամ հաջորդող ամենամոտ կիրակի օրը:
