«Ոսկե գնդակի» ֆավորիտները
Սեպտեմբեր 05,2024 14:43
Հեղինակավոր Goal.com պորտալը թարմացրել է «Ոսկե գնդակի» ֆավորիտների տասնյակը։ Ցուցակը գլխավորում է Մադրիդի «Ռեալի» կազմում Իսպանիայի չեմպիոն և Չեմպիոնների լիգայի գավաթակիր դարձած բրազիլացի հարձակվող Վինիսիուս Ժունիորը։
Երկրորդ տեղում Եվրոպայի նորընծա չեմպիոն Իսպանիայի հավաքականի ու անգլիական «Մանչեսթեր Սիթիի» կիսապաշտպան Ռոդրին է, իսկ լավագույն եռյակը եզրափակում է «Ռեալի» անգլիացի կիսապաշտպան Ջուդ Բելինգեմը։
«Արքայական ակումբի» նորեկ, ֆրանսիացի հարձակվող Կիլիան Մբապեն նահանջել է 7-րդ տեղ։
«Ոսկե գնդակի» ֆավորիտները՝ ըստ Goal.com-ի
- Վինիսիուս Ժունիոր («Ռեալ Մադրիդ», Բրազիլիա)
- Ռոդրի («Մանչեսթեր Սիթի», Իսպանիա)
- Ջուդ Բելինգեմ («Ռեալ Մադրիդ», Անգլիա)
- Դանիել Կարվախալ («Ռեալ Մադրիդ», Իսպանիա)
- Լաուտարո Մարտինես («Ինտեր», Արգենտինա)
- Տոնի Կրոս («Ռեալ Մադրիդ», ավարտել է կարիերան, Գերմանիա)
- Կիլիան Մբապե («Ռեալ Մադրիդ», Ֆրանսիա)
- Հարի Քեյն («Բավարիա», Գերմանիա)
- Ֆիլ Ֆոդեն («Մանչեսթեր Սիթի», Անգլիա)
- Նիկո Ուիլյամս («Աթլետիկ Բիլբաո», Իսպանիա)
2003 թվականից ի վեր առաջին անգամ հավակնորդների ցանկում չեն ընդգրկվել Կրիշտիանու Ռոնալդուն և Լիոնել Մեսին։ Արգենտինացին «Ոսկե գնդակին» արժանացել է 8, իսկ պորտուգալացին` 5 անգամ։
