Մահացել է ՈՒՀԱ-ի վարող Ալեքսանդր Մասլյակովը
83 տարեկանում մահացել է ՈՒՀԱ-ի հաղորդավար Ալեքսանդր Մասլյակովը, հայտնում է լիգայի մամուլի ծառայությունը։ Հեռուստահաղորդումը նա վարում էր 1964 թվականից, և այդ ժամանակվանից էլ դրա ղեկավարն էր։
«Նա եղել և ընդմիշտ լեգենդ կմնա ՈՒՀԱ շարժման բոլոր մասնակիցների և միլիոնավոր հանդիսատեսների համար», – ասվում է ՈՒՀԱ-ի հաղորդման մեջ: Արտիստին հրաժեշտ տալու օրն ու վայրը չի նշվում։
Ալեքսանդր Մասլյակովը ծնվել է 1941 թվականի նոյեմբերի 24-ին Սվերդլովսկում։ 1964 թվականին, դեռ ՄԻԻՏ-ի չորրորդ կուրսի ուսանող լինելով, սկսել է աշխատել հեռուստատեսությունում՝ երիտասարդական ծրագրերի գլխավոր խմբագրությունում։ Հեռուստատեսությունում աշխատանքի ընթացքում նա եղել է «Ուրախների և հնարամիտների ակումբ», «Ալո, մենք տաղանդներ ենք փնտրում», «Երեկոյան Ուրգանտ», «Տարվա երգ», «Ալեքսանդր շոու», «12-րդ հարկ» և շատ այլ հեռուստահաղորդումների վարողը։
1990 թվականի մարտին իր կնոջ՝ Սվետլանայի հետ Ալեքսանդր Մասլյակովը հիմնեց AMiK ստեղծագործական հեռուստատեսային միավորումը, որը զբաղվեց հաղորդման ստեղծմամբ։ AMiK-ին է պատկանում ՈՒՀԱ ապրանքանիշը, հեռուստատեսային տարբերակի մասնակիցների կատակների հեղինակային իրավունքները, միավորումն է կազմակերպում թիմերի հյուրախաղերը և հատուկ ելույթները: 2024 թվականի փետրվարին Ալեքսանդր Մասլյակով կրտսերը դարձավ TTO AmiK-ի միակ սեփականատերը, տեղեկացնում է «Коммерсантъ»-ը։
