Ախթալեցի Լևոն պապի ավերված տունը, այգին և ապարդյուն սպասումները
Սեպտեմբեր 12,2024 21:01
Ձմեռը մոտենում է, իսկ ջրհեղեղից տուժած բնակիչները դեռ սպասում են. ոմանք սեփական միջոցներով են վերանորոգում բնակարանները, շատերն էլ հնարավորություն չունեն և անելանելի վիճակում են:
Ախթալայի բնակիչ 77-ամյա Լևոն Նալբանդյանը բնակվում է կայարանամերձ թաղամասում, որn ամենաշատն էր տուժել հեղեղումներից: REGIONSTV-ի նկարահանող խումբը նրան հանդիպել էր դեռևս հունիսին՝ ավերիչ ջրհեղեղից 1 շաբաթ անց:
Ինչպես այն ժամանակ, այսօր էլ նշում է՝ փոխհատուցման հույս չկա: Կրկին ցույց է տալիս ավերված այգին և իր ուժերով կատարած վերանորոգման աշխատանքները:
