ՀՀ 2-րդ եւ 3-րդ նախագահները չեն մասնակցի Մայր Աթոռ Սուրբ Էջմիածնում Մյուռոնօրհնեքի եւ Մայր Տաճարի վերաօծման արարողություններին
ՀՀ 2-րդ եւ 3-րդ նախագահները չեն մասնակցի Մայր Աթոռ Սուրբ Էջմիածնում Մյուռոնօրհնեքի եւ Մայր Տաճարի վերաօծման արարողություններին։ Այս մասին հայտնել են նախագահների գրասենյակներից։
ՀՀ 2-րդ նախագահ Ռոբերտ Քոչարյանի գրասենյակի գրասենյակի ղեկավար Բագրատ Միկոյանը տեղեկացրել է․ «Մյուռոնօրհնեքի և Մայր Տաճարի վերաօծման արարողություններին նախագահ Քոչարյանը չի մասնակցելու: Միաժամանակ շեշտեմ, որ երկրորդ նախագահը մշտապես ընդգծված հարգանք ունի Հայ Առաքելական Սուրբ Եկեղեցու, նրա սպասավորների և հավատավոր ժողովրդի նկատմամբ»,- ասաց Բագրատ Միկոյանը։
3-րդ նախագահ Սերժ Սարգսյանի գրասենյակն էլ հաղորդագրություն է տարածել․« Սերժ Սարգսյանը հրավերի համար շնորհակալություն է հայտնել Ամենայն Հայոց Կաթողիկոսին և տեղեկացրել, որ, ցավոք, չի կարող ներկա գտնվել այդ արարողություններին, քանի որ անհնարին է համարում Հայաստանի գործող ապազգային կառավարիչների հետ նույն վայրում որևէ միջոցառման մասնակցելը»:
Մյուռոնօրհնեքի արարողությունն այսօր է, իսկ Մայր տաճարի վերաօծումը՝ սեպտեմբերի 29-ին։
