Ո՞վ է կանգնած Անկարայում տեղի ունեցած ահաբեկչության հետևում
Անկարայի մոտ ավիացիոն արտադրության զբաղվող TUSAŞ ընկերության վրա հարձակման հեղինակների ինքնությունը պարզվել է։ Թուրքական իշխանությունը երեկվա հարձակումը համարում է ահաբեկչություն։
Թուրքիայի ՆԳՆ ղեկավար Ալի Յերլիքայանն հայտարարել է, որ հարձակում գործած անձը RKK (Քուրդիստանի բանվորական կուսակցություն) ահաբեկչական կազմակերպության անդամ Ալի Օրեքն է:
«Ներկա պահին հարձակումն իրականացրած երկու ահաբեկիչներ վնասազերծվել են։ Ահաբեկիչներից մեկը կին է. Ահաբեկչական PKK-ն, ամենայն հավանականությամբ, ներգրավված է հարձակմանը»,- ասել է Թուրքիայի ՆԳՆ ղեկավարը։
Նախնական տվյալներով՝ հարձակումն իրականացրել է երեք մարդ։ Հարձակման հետևանքով զոհվել է 5, վիրավորվել՝ 22 մարդ, երկու տուժածների վիճակը ծանր է։
Հարձակման ենթարկված TUSAŞ-ը Թուրքիայի ավիացիոն և պաշտպանական արդյունաբերության ոլորտի գլխավոր ընկերությունն է։
Թուրքիայի պաշտպանության նախարարությունը հայտարարել է, որ TUSAŞ-ի վրա հարձակումից հետո Թուրքիան հարվածներ է հասցրել Հյուսիսային Իրաքում և Սիրիայում տեղակայված Քրդստանի աշխատավորական կուսակցության (PKK) օբյեկտներին․«Օդային գործողություն է իրականացվել, և ընդհանուր առմամբ հաջողությամբ ոչնչացվել է ահաբեկիչներին պատկանող 32 թիրախ»։
Թուրք քաղաքագետ Իքբալ Դուրրեն նշել է, որ ահաբեկչությունը կարող էին իրականացնել նրանք, ում ձեռնտու չէ քրդական հարցի լուծման հնարավորությունը․« «Հարձակումը պայմանավորված է նրանով, որ Թուրքիայում սկսվել է Քրդստանի աշխատավորական կուսակցության և ընդհանրապես քրդերի հետ հաշտության ակտիվ գործընթաց, որը նախաձեռնել է կառավարությունը։ Սա թիվ մեկ թեման է Թուրքիայում»։
Պատրաստեց Զաբելա Ավագյանը
