Փոխվարչապետի որոշմամբ կստեղծվի ՀՀ-ԵՄ համապարփակ միջոցառումները համակարգող աշխատանքային խումբ

Հայաստանի հանրապետության փոխվարչապետ Մհեր Գրիգորյանը որոշում է ստորագրել ՀՀ-ԵՄ համապարփակ եվ ընդլայնված գործընկերության համաձայնագրի (հըգհ) կիրարկման միջոցառումների համակարգող միջգերատեսչական հանձնաժողովին կից աշխատանքային խումբ ստեղծելու և դրա անհատական կազմը հաստատելու մասին :

«Հիմք ընդունելով «Կառավարության կառուցվածքի և գործունեության մասին» Հայաստանի Հանրապետության օրենքի 8-րդ հոդվածի 1-ին և 4.1-ին մասերը՝ 1. Հայաստանի Հանրապետության՝ մի կողմից և Եվրոպական միության և Ատոմային էներգիայի եվրոպական համայնքի ու դրանց անդամ պետությունների՝ մյուս կողմից, միջև համապարփակ և ընդլայնված գործընկերության համաձայնագրի (ՀԸԳՀ) կիրարկումն ապահովող միջոցառումները համակարգող միջգերատեսչական հանձնաժողովին կից ստեղծել աշխատանքային խումբ՝ Հայաստանի Հանրապետության վարչապետի 2019 թվականի հունիսի 1-ի N 666-Լ որոշմամբ հաստատված՝ Հայաստանի Հանրապետության և Եվրոպական միության և Ատոմային էներգիայի եվրոպական համայնքի ու դրանց անդամ պետությունների միջև կնքված համապարփակ և ընդլայնված գործընկերության համաձայնագրի կիրարկման ճանապարհային քարտեզի նորացման և միասնական ճանապարհային քարտեզ կազմելու նպատակով:

2. Հաստատել աշխատանքային խմբի անհատական կազմը՝ համաձայն N 1 հավելվածի: 3. Սահմանել, որ սույն աշխատանքային խմբի նիստերին ըստ անհրաժեշտության կարող են մասնակցել նաև Հայաստանի Հանրապետության Ազգային ժողովի, քաղաքացիական հասարակության և ԵՄ ներկայացուցիչներ՝ համաձայն N 2 հավելվածի: 4. Աշխատանքային խմբի համակարգողին՝ 2-շաբաթյա ժամկետում Հայաստանի Հանրապետության փոխվարչապետ Մհեր Գրիգորյանին ներկայացնել սույն որոշման 1-ին կետում նշված նպատակի իրագործման գործողությունների ծրագիր»,- նշված է փոխվարչապետի որոշման մեջ:

Ադրբեջանի նախագահ Իլհամ Ալիևն էլ հրամանագիր է ստորագրել, որով հաստատել է «Ադրբեջանի Հանրապետության և Հայաստանի Հանրապետության միջև պետական ​​սահմանի սահմանագծման պետական ​​հանձնաժողովի և պետական ​​սահմանի սահմանագծման և հարցերի հանձնաժողովի համատեղ գործունեության կանոնակարգը: Հայաստանի Հանրապետության և Ադրբեջանի Հանրապետության միջև սահմանային անվտանգությունը»։ Համաձայն հրամանագրի՝ հաստատվել է 2024 թվականի օգոստոսի 30-ին ստորագրված կանոնակարգը, հայտնում է ԱՊԱ-ն։

Այսօր նմանատիպ հրամանագիր է ստորագրել ՀՀ նախագահ Վահագն Խաչատրյանը։ Ավելի վաղ ՀՀ Ազգային ժողովը հաստատել էր կանոնակարգը։

Սակայն անհայտ է մնում, թե արդյոք Ադրբեջանի Միլլի Մեջլիսը հավանություն է տվել կամ նույնիսկ քննարկել է վերոնշյալ կանոնակարգը։