Տնակներում ապրող հաշմանդամություն ունեցող անձինք բնակարան ստանալու առաջնահերթություն չունեն
Հոկտեմբեր 30,2024 21:02
Աղետի գոտու ժամանակավոր կացարանների վերջին հաշվառման տվյալներով, Շիրակի մարզում ավելի քան 3000 տնակ կա: Դրանցից մոտ 700-ը մարզի գյուղական բնակավայրերում են: 2018 թ.-ից հետո տնակների բնակիչների մոտ մեծ էր վստահությունը, որ անօթևանության խնդիրը վերջապես լուծում կստանա: Բայց անցավ ևս 6 տարի, և տնակների բնակիչների կյանքում դարձյալ ոչինչ չփոխվեց:
Նույն տնակային առօրյան՝ արդեն սովորական դարձած փայտի վառարաններով, ձմռանը սառցակալվող պատերով ու առաստաղով: Մարմաշեն գյուղի տնակային թաղամասում էլ կյանքն անփոփոխ է:
