Լատվիա-Հայաստան ֆուտբոլային հանդիպումը կսպասարկեն բուլղար մրցավարները
Նոյեմբեր 15,2024 16:28
ՈւԵՖԱ Ազգերի լիգայի խաղարկության վեցերորդ մրցափուլի Լատվիա-Հայաստան հանդիպումը կսպասարկի բուլղարական մրցավարական անձնակազմը։
Այս մասին հայտնում է ՀՖՖ-ն: Հանդիպման մրցավար է նշանակվել Գեորգի Կաբակովը, մրցավարի օգնականներ՝ Մարտին Մարգարիտովը և Դիյան Վալկովը: Հանդիպման չորրորդ պաշտոնյան կլինի Նիկոլա Պոպովը: VAR-ի մրցավար է նշանակվել Դրագոմիր Դրագանովը, VAR-ի մրցավարի օգնական՝ Վասիմիր Էլ-Հաթիբը:
Լատվիա-Հայաստան հանդիպումը կկայանա նոյեմբերի 17-ին՝ ժամը 18։00-ին (Երևանի ժամանակով):
