ԱԱ․ Հայաստանի շախմատիստների հաղթական մեկնարկը
Նոյեմբեր 16,2024 17:29
Իտալիայի Մոնտեսիլվանո քաղաքում անցկացվող շախմատի աշխարհի մինչև 12 տարեկան պատանիների և աղջիկների առաջնությունում հաջող են մեկնարկել Հայաստանի ներկայացուցիչները։
Առաջին խաղափուլում հաղթանակ են տարել Տիգրան Համբարձումյանը, Դավիթ Ստեփանյանը, Դավիթ Մելքոնյանը, Արմեն Վարդանյանը, Սամվել Մովսիսյանը, Ռոբերտ Կայծակյանը, Գաբրիելա Հարությունյանը, Նարե Իսախանյանը և Սոֆիա Բաղրամյանը, հաղորդում է ՀՇՖ-ի ֆեյսբուքյան էջը:
2-րդ խաղափուլը կմեկնարկի նոյեմբերի 16-ին՝ Երեւանի ժամանակով 18:00-ին: Առաջնությունը կանցկացվի 11 խաղափուլով:
