ԱՄՆ-ն դադարեցնում է ռազմավարական գործընկերությունը Վրաստանի հետ․Թբիլիսում բողոքի ցույցի ժամանակ կիրառվել են արցունքաբեր գազ, ռոբոտ-ոստիկան, ջրցան մեքենաներ

Պետդեպը հայտարարում է՝ «Վրացական երազանք»-ի՝ ԵՄ-ին Վրաստանի անդամակցության գործընթացը կասեցնելու որոշումը հակասում է Վրաստանի ժողովրդին՝ Սահմանադրությամբ ամրագրված խոստումին, որո սամանվում է հետամուտ լինել Եվրամիությանը և ՆԱՏՕ-ին լիակատար ինտեգրմանը

4-րդ օրն է՝ Թբիլիսում շարունակվում են ընդդիմադիրների և նրանց աջակիցների բողոքի ցույցերն, որոնք էլ ավելի թեժացան, երբ երկրի վարչապետը հայտարարեց, որ Վրաստանը հրաժարվում է ԵՄ-ին անդամակցելու բանակցություններից մինչև 2028 թվականի տարեվերջ։

Ցուցարարներն ամբողջ գիշեր Թբիլիսիի Ռուսթավելի պողոտայում էին։

«Ջրցան մեքենաներով և արցունքաբեր գազով մի քանի հարձակումներից հետո ցուցարարներն աստիճանաբար նահանջեցին Ռուսթավելի պողոտայից, այժմ գտնվում են Ճավճավաձե պողոտայում՝  Թբիլիսիի պետական ​​համալսարանի առաջին մասնաշենքի մոտ, Այն վայրում, որտեղ մի քանի օր առաջ հատուկ ջոկատայինները ցրել էին վրանային քաղաքը»,-գրում է NewsGeorgia-ն։

«Ջավախաձե» տելեգրամ ալիքը  գրում է՝ այս գիշեր ոստիկանությունը ցուցարարներին լայնածավալ ու ցուցադրական ձևով ծեծի չի ենթարկել։

 ԱՄՆ Պետդեպարտամենտը դադարեցնում է  Վրաստանի հետ ռազմավարական գործընկերությունը։

ԱՄՆ Պետդեպարտամենտի խոսնակ Մեթյու Միլլերի համապատասխան հայտարարությունը պաշտոնապես հրապարկվել է նոյեմբերի 30-ին։  Միլլերի հայտարարության մեջ նշվում է․ «Վրացական երազանք»-ի՝ ԵՄ-ին Վրաստանի անդամակցության գործընթացը կասեցնելու որոշումը հակասում է Վրաստանի ժողովրդին՝ Սահմանադրությամբ ամրագրված խոստումին, որո սամանվում է հետամուտ լինել Եվրամիությանը և ՆԱՏՕ-ին լիակատար ինտեգրմանը: Կասեցնելով ԵՄ-ին Վրաստանի անդամակցության գործընթացը՝ «Վրացական երազանք»-ը մերժել է Եվրոպայի հետ ավելի սերտ կապերի հնարավորությունն ու Վրաստանն ավելի խոցելի է դարձրել Կրեմլի համար։ «Վրացական երազանք»-ի տարբեր հակաժողովրդավարական գործողությունները խախտել են ԱՄՆ-Վրաստան ռազմավարական գործընկերության հիմնական սկզբունքները, որոնք հիմնված են ընդհանուր արժեքների և ժողովրդավարության, օրենքի գերակայության, քաղաքացիական հասարակության, մարդու իրավունքների և հիմնարար ազատությունների նկատմամբ հարգանքի վրա»:

Հայտարարության մեջ նաև նշված է՝ Վաշինգտոնը դատապարտում է ոստիկանության կողմից ուժի չափից ավելի կիրառումը վրացիների նկատմամբ, ովքեր ձգտում են օգտվել հավաքների և արտահայտվելու իրենց իրավունքներից, ներառյալ խաղաղ բողոքի ցույցերի ազատությունը:

ԱՄՆ-ը կոչ է անում բոլոր կողմերին ապահովել բողոքի ցույցների խաղաղ բնույթը։, – նշել է նա։

Այս պահին էլ Թբիլիսիում շարունակում են բողոքի ցուցերը, ընդդիմադիրները հայտարարում են՝ սա չդադարող ցույց է, որը շարունակական է լինելու։

Դեկտեմբերի 1-ի գիշերը տեղի  ունեցած ցույցի ժամանակ մի քանի մարդ է ձերբակալվել, այդ թվում՝ Ազատություն ռադիոկայանի վրացական ծառայության պրոդյուսեր Բեկու Բերաձեն։

Ընդհանուր առմամբ, ոստիկանությունը բողոքի ցույցերի առաջին երկու գիշերվա ընթացքում ձերբակալել է մոտ 150 մարդու։ Ձերբակալության ժամանակ սպաները բռնություն են կիրառել ձերբակալվածների նկատմամբ։ Վիրավորների և ձերբակալվածների թվում կան նաև լրագրողներ։ Առավոտյան ցույցը ցրելու ժամանակ կիրառվել է էլեկտրատեխնիկա, ջրցան մեքենաներ և ռոբոտ-ոստիկաններ։

Վրաստանի նախագահ Սալոմե Զուրաբիշվիլին հայտարարել է, որ ոչ լեգիտիմ կառավարության և խորհրդարանի պայմաններում ինքը մնում է իր պաշտոնում և շարունակելու  զբաղեցնել պետության ղեկավարի պաշտոնը մինչև Վրաստանի նոր նախագահի ընտրություններն անցկացվեն լեգիտիմ ընտրված խորհրդարանի և կառավարության պայմաններում։  Նա նշել է, որ հնարավոր է Վրաստանին անհրաժեշտ լինի ստեղծել «տեխնիկական կառավարություն»։

Հոկտեմբերին տեղի ունեցած խորհրդարանական ընտրությունների արդյունքները չեն ընդունում ընդդիմադիր ուժերը։ Այս ընտրություններում հաղթած  ռուսամետ համարվող «Վրացական երազանք»-ն արդեն ձևավորել է կառավարություն և անցակացրել խորհրդարանի նիստ։