Փարաքարում փրայմերիզում ամենաշատ ձայները ստացել է նախկին համայնքապետը՝ Լյուդվիգ Գյուլնազարյանը
Գյումրից հետո Փարաքարը երկրորդ համայնքն է, որտեղ ՔՊ-ն նախնական ընտրություններ է անցկացնում
Փարաքար խոշորացված համայնքում նախնական ընտրություններն այսօր ավարտվել են։ Այս համայնքում փրայմերիզի արդյունքում ամենաշատ ձայները ստացել է Լյուդվիգ Գյուլնազարյանը, որը Փարաքարի նախկին համայնքապետն էր։ Նա համայնքապետի պաշտոնից հրաժարական էր տվել աղմկալի միջադեպից հետո։ «Քաղաքացիական պայմանագիր» կուսակցության թեկնածու Լյուդվիգ Գյուլնազարյանը Փարաքար խոշորացված համայնքի ղեկավար էր ընտրվել այս տարվա մայիսի 31-ին: Նա, սակայն, հրաժարական տվեց դեկտեմբերի 18-ին՝ Երևանում տեղի ունեցած սպանությունից հետո, ըստ մամուլի հրապարակումների, Գյուլնազարյանն էլ է դեպքի վայրում եղել, հրազենային վնասվածք է ստացել։ Գյուլնազարյանը լրատվամիջոցներին հայտնել է՝ «Իմ կամքից անկախ հայտնվել եմ մի տեղ ոչ ճիշտ ժամին, ոչ ճիշտ վայրում։ Ես ոչնչի հետ կապ չունեմ»:
Փարաքարում այս փրայմերիզում ՔՊ-ի թեկնածուներն էին Արփինե Առաքելյանը, Լյուդվիգ Գյուլնազարյանը, Կարեն Երեմյանը, Մհեր Հարությունյանը , Արման Մնացականյանը, Գոռ Սարիբեկյանը:
Ամենաշատ ձայները ստացել է Լյուդվիգ Գյուլնազարյանը՝ 594
Արփինե Առաքելյանը՝ 89 ձայն
Կարեն Երեմյանը՝ 29 ձայն
Մհեր Հարությունյանը՝ 30 ձայն
Արման Մնացականյանը՝ 27 ձայն
Գոռ Սարիբեկյանը՝ 180 ձայն
Ամենաշատ ձայները ստացած թեկնածուին՝ Լուդվիգ Գյուլնազարանին Նիկոլ Փաշինյանը կնշանակվի համայնքապետ։
