Ամասիա համայնքի 19 բնակավայրերի կեսից ավելին հանրային տրանսպորտ չունի
Մարտ 13,2024 17:34
Ամասիա խոշորացված համայնքի 19 բնակավայրերի կեսից ավելին հանրային տրանսպորտ չունի: Բնակիչները դեպի համայնքային կենտրոն, դեպի մարզկենտրոն Գյումրի, իսկ առավել ևս գյուղից գյուղ երթևեկում են ինչով պատահի՝ տաքսիով, ոտքով, ձիով, սայլերով:
Գարնանը գյուղերը ցեխառատ են դառնում, իսկ ճանապարհները բարեկարգելու խոստումները վաղուց արդեն երեք տասնամյակն են բոլորել:
Գյումրի-Ողջի-Մեղրաշատ-Բյուրակն ավտոճանապարհը խոստացված բարեկարգ վիճակն այդպես էլ չտեսավ: Ամեն օր երթևեկող բնակիչների մասին, իշխանության փոխարեն, մտածում է երթուղին սպասարկող վարորդը:
