Իրանի վրա հարձակման հետևանքով այս պահին զոհերի թիվը 201 է, 53 մարդ զոհվել է դպրոցի վրա հարվածի հետևանքով
Իրանի վրա այսօր առավոտյան ամերիկյան և իսրայելական հարվածների հետևանքով մինչ այս պահը զոհվել է 201 մարդ, վիրավորվել է 747 մարդ։ Այս մասին, ըստ իրանական լրատվամիջոցների, հայտնել է Կարմիր մահիկի խոսնակը։ Ըստ նույն աղբյուրի՝ հարվածի տակ են հայտնվել Իրանի 31 նահանգներից 24-ը։
Իսրայելը, ինչպես հայտնում է BBC-ն, հայտարարել է, որ «չեզոքացրել է իրանական ռեժիմի մի քանի բարձրաստիճան զինվորականների։
Իրանական պետական լրատվամիջոցները հաղորդում են, առնվազն 53 մարդ է զոհվել Իրանի աղջիկների դպրոցի վրա հարվածի հետևանքով։
ԱՄՆ նախագահ Դոնալդ Թրամփը հայտարարել է, որ այս ռազմական գործողությունները վերջ կդնեն ԱՄՆ անվտանգության սպառնալիքին և իրանցիներին հնարավորություն կտան տապալել իրենց կառավարիչներին:
BBC-ն հաղորդում է, որ Իրանի զինված ուժերը բալիստիկ հրթիռներով և անօդաչու թռչող սարքերով պատասխան հարվածներ են հասցրել՝ թիրախավորելով Իսրայելի մի շարք քաղաքաներ ու տարածաշրջանում գտնվող ամերիկյան ռազմակայանները։
