Ինչպիսի՞ եղանակ է սպասվում հանրապետությունում
Եղանակի պարզեցմամբ պայմանավորված՝ ապրիլի 15-ի լուսադեմին Արարատի մարզի առանձին հատվածներում, Արմավիրում եւ մայրաքաղաք Երեւանում օդում հնարավոր է 0-ին մոտ ջերմաստիճան, հողի մակերեւույթին՝ -1…-4 աստիճան ցուրտ, իսկ Արագածոտնի եւ Կոտայքի նախալեռնային գոտիներում օդում հնարավոր է -1…-4 աստիճան ցուրտ:
Հանրապետության տարածքում`
Ապրիլի 15-ի գիշերն առանձին շրջաններում սպասվում են տեղումներ. լեռնային և առանձին նախալեռնային գոտիներում կդիտվեն ձյան և ձնախառն անձրևի, հովտային գոտիներում՝ անձրևի տեսքով։ Ապրիլի 18-ի ցերեկը, 19-ին առանձին շրջաններում սպասվում է անձրև, հնարավոր է ամպրոպ։
Ապրիլի 15-ի ցերեկը, 16-17-ին, 18-ի գիշերը սպասվում է առանց տեղումների եղանակ։
Քամին` հյուսիսարևմտյան` 2-5 մ/վ:
Օդի ջերմաստիճանն ապրիլի 15-ի գիշերը կնվազի եւս 2-4 աստիճանով, 16- 18-ի ցերեկային ժամերին աստիճանաբար կբարձրանա 8-12 աստիճանով։
Երևան քաղաքում`
Ապրիլի 15-ի գիշերը սպասվում են տեղումներ․ քաղաքի բարձրադիր հատվածներում՝ ձնախառն անձրևի, ցածրադիր հատվածներում՝ անձրևի տեսքով։ Ապրիլի 18-ի երեկոյան, 19-ին սպասվում է անձրև և ամպրոպ։ Ապրիլի 15-ի ցերեկը, 16-17-ը, 18-ի գիշերը սպասվում է առանց տեղումների եղանակ։
Երևան քաղաքի ապրիլի 15-ի բազմամյա կլիմայական տվյալներ.
- Օդի առավելագույն ջերմաստիճան՝ 28.8°C (2008թ.)
- Օդի նվազագույն ջերմաստիճան՝ -0.7°C (2022թ.)
- Օդի միջին օրական ջերմաստիճան՝ 12.5°C
