Ե՞րբ է ակտիվանում կեղծ տեղեկատվության հոսքը և հիմնականում ո՞ր երկրներից են հայկական հարթակներ ներմուծվող ֆեյքերը․ հարցումներ
Սահմանային և հեռավոր համայնքների բնակիչներն առավել խոցելի են և ավելի հաճախ են ենթարկվում կեղծ ու մոլորեցնող տեղեկատվության ազդեցությանը։ Պատճառներից մեկն այն է, որ շատերը չեն տիրապետում տեղեկատվության արժանահավատությունը ստուգելու գործիքներին։
Հատկապես նախընտրական ժամանակահատվածներում ապատեղեկատվությունը հաճախ օգտագործվում է որպես ազդեցության գործիք՝ ձևավորելու հանրային տրամադրություններ։
Regions TV-ն թեմայի շուրջ հարցումներ է իրականացնում Շիրակի մարզի բոլոր համայնքներում՝ Գյումրիում, Անիում, Աշոցքում, Ախուրյանում, Ամասիայում և Արթիկում։ Հարցումների ամփոփումից հետո կներկայացվեն տեսանյութեր՝ փորձագիտական վերլուծություններով։
Բնակիչներն ի՞նչ կեղծ լուրերի են հանդիպել, ի՞նչ նպատակ են հետապնդում դրանց հեղինակները և ի՞նչ ազդեցություն կարող է գործել կեղծ տեղեկատվությունը։ Հատկապես ո՞ր ժամանակահատվածում է ակտիվանում կեղծ տեղեկատվության հոսքը և հիմնականում ո՞ր երկրներից են հայկական հարթակներ ներմուծվող ֆեյքերը։
Այս և այլ հարցերին պատասխանել են Անի համայնքի Սառնաղբյուր, Լանջիկ և Քարաբերդ գյուղերի բնակիչները։
