Ծառուկյանի փաստաբանը չի բացառում, որ նրան հնարավոր է կալանավորեն․իրվապահները խուզարկում են Ծառուկյանի տունն ու ընկերությունները
ԲՀԿ առաջնորդ Գագիկ Ծառուկյանի փաստաբան Երեմ Սարգսյանն այսօր լրագրողների հետ զրույցում չբացառեց, որ Ծառուկյանին կարող են կալանավորել։ Փաստաբանի կարծիքով՝ գործողությունների հաջորդականությունը նման կանխատեսումների տեղիք է տալիս»։
Ըստ նրա՝ նույնիսկ առանց հոդվածներին անդրադառնալու, ավելի վաղ հնչած իշխանական հռետորաբանությունից հետո բոլորը կանխատեսում էին, որ նման գործողություններ են ձեռնարկվելու։
«Դա բացարձակ անակնկալ չէր։ Իսկ հոդվածների շրջանակում հնարավոր էր ինչ-որ բան ստեղծագործել, իսկ վերջին շրջանում այդ ստեղծագործությունը պարբերական բնույթ է կրում»,-ասաց Երեմյանը։
Այս պահին լայնածավալ խուզարկություններ են իրականացվում «Մուլտի Գրուպ» կոնցեռնի կազմում ընդգրկված գրեթե բոլոր ընկերություններում, ինչպես նաև այդ կազմակերպությունների տնօրենների բնակարաններում։Այս մասին այսօր հայտնել է Ծառուկյանի խոսնակ Իվետա Տոնոյանը։
Խուզարկությունների մասին Քննչական կոմիտեից հայտնել են, որ «քրեական վարույթի շրջանակում կատարվում են անհրաժեշտ քննչական և վարութային գործողություններ»։
Գլխավոր դատախազությունն ավելի վաղ դիմել էր Կենտրոնական ընտրական հանձնաժողով՝
«Բարգավաճ Հայաստան» կուսակցության ղեկավար Գագիկ Ծառուկյանի նկատմամբ մեղադրանք առաջադրելու թույլտվություն ստանալու միջնորդությամբ ԿԸՀ-ին էր դիմել Գլխավոր դատախազությունը։ ԿԸՀ-ն վստահեցրել էր, որ միջնորդությունը կքննարկեն Սահմանադրական դատարանում ընտրական վեճի քննությունից հետո։
Ավելի վաղ Գագիկ Ծառուկյանի նկատմամբ հանրային քրեական հետապնդում էր հարուցվել ու մեղադրանք առաջադրվել առանձնապես խոշոր չափերով հարկերից խուսափելու համար:
Վարչապետ Նիկոլ Փաշինյանը քարոզարշավի ընթացքում պարբերաբար հայտարարում էր Ծառուկյանի ընտանիքին պատկանող «Արարատ ցեմենտ» գործարանը պետականացնելու մասին։ Գլխավոր դատախազությունն էլ հայտարարել է, թե 2000-ականների սկզբին «Արարատ ցեմենտի» գործարանը խախտումներով է մասնավորեցվել:
