«Եթե չդատի զինված սահմանախախտին, ապա առաջանում է հարց․․․»․ քաղաքագետ
Հոկտեմբեր 03,2026 16:54
«Եթե ադրբեջանցի զինվորին, սահմանն անօրինական կերպով հատելու դեպքով քրեական պատասխանատվության չենթարկեն, ապա կարելի է հետևություն անել, որ Հայաստանի Հանրապետությունը չգիտի, թե որտեղով է անցնում սահմանը, այսինքն` չի ընդունում, որ Հայաստանի և Ադրբեջանի միջև սահման գոյություն ունի»։
Այս մասին ֆեյսբուքյան իր էջում գրել է քաղաքագետ Ստեփան Դանիելյանը։
«Եթե չդատի զինված սահմանախախտին, ապա առաջանում է հարց, թե ՀՀ-ի և ՀԱՊԿ-ի դիրքորոշումների միջև ինչ տարբերություն կա, եթե Ջերմուկի ընդհարման ժամանակ սահմանի գոյության խնդիր էր առաջացել։
Եվս մեկ հռետորական հարց. ապագայում, ռուս սահմանապահների հեռանալուց հետո, այս ձևո՞վ են պահելու թուրք-հայկական սահմանը, երբ սահմանը հեշտությամբ հատող զինված քրդերին հետապնդող զինված թուրքերը ներթափանցեն»,-գրել է Դանիելյանը։
