Անլուծելի խնդիրներից ծանրացած Մարմաշենը Գյումրիից 1 կմ է հեռու
Մայիս 02,2024 16:30
Ախուրյան խոշորացված համայնքի Մարմաշեն գյուղում խնդիրներն այնքան շատ են, որ բնակավայրը քաղաքամերձի տպավորություն չի թողնում: Անբարեկարգ ճանապարհներ, խմելու և ոռոգման ջրի լուրջ խնդիրներ, գյուղատնտեսության համար ոչ բարենպաստ պայմաններ: Մարմաշենում վերջին 35 տարում գրեթե ոչինչ չի փոխվել:
Նկատելի միակ փոփոխությունը գյուղը տեսավ խոշորացումից հետո, երբ մանկապարտեզ ունեցան ու երեխաների համար մի քանի խմբակ բացվեց: Բայց մարմաշենցիների սոցիալական վիճակը չբարելավվեց, մարդիկ էլի Ռուսաստանի Դաշնությունում ու Հայաստանի այլ բնակավայրերում են աշխատանք փնտրում: