Սևանա լճի մակարդակը մայիս ամսին բարձրացել է 20 սանտիմետրով
Մայիս 31,2024 17:11
Սեւանա լճի մակարդակը 2024 թվականի ապրիլի 30-ից մայիսի 30-ն ընկած ժամանակահատվածում բարձրացել է 20 սանտիմետրով։
Ինչպես տեղեկանում ենք ՀՀ ՇՄՆ «Հիդրոօդերևութաբանության և մոնիտորինգի կենտրոն» ՊՈԱԿ-ից, 2024 թվականի մայիսի 30-ի դրությամբ Սևանա լիճը ծովի մակերևույթից գտնվել է 1900 մետր 55 սանտիմետր բարձրության վրա, ինչը 9 սանտիմետրով բարձր է մնում նախորդ տարվա նույն օրվա և 20 սանտիմետրով բարձր՝ այս տարվա ապրիլի 30-ին գրանցված նիշից։
Այս տարվա հունվարից մինչ մայիսի 30-ն ընկած ժամանակահատվածում Արփա-Սևան թունելային ջրատարով Սևանա լիճ է տեղափոխվել 113 միլիոն 180 հազար խորանարդ մետր ջուր։
Սևանա լիճ թափվող գետերում դիտվել է փոփոխական ռեժիմ։
