20-ամյա աղջիկը՝ «Սև հովազ» ջոկատի անդամ. ծնողներից գաղտնի 44-օրյա պատերազմին նա կամավորագրվեց
Ապրիլ 15,2022 15:50
Վարդուհի Բաղդասարյանը 20 տարեկանում որոշեց մասնակցել Արցախյան պատերազմին և առանց ընտանիքի հետ խորհրդակցելու մեկնեց մարտի դաշտ։ 44-օրյա պատերազմին մասնակցել է «Սև Հովազ» ջոկատի հետ, Հադրութի շրջանում։
Հրամանատարը սկզբում դեմ է եղել, որպեսզի երիտասարդ աղջիկը կամավորագրվի ջոկատին։ Երկար բանակցություններից հետո Վարդուհին հասել է նպատակին։ Մարտական պատրաստվածություն նա ձեռք է բերել փոքր հասակից։ Ասում է՝ բանակում ծառայելու գաղափարը իր երազանքն է եղել։
Ծնողները աղջկա՝ զինվորական դառնալու միտքն այնքան էլ չեն ողջունել, այդ պատճառով էլ բժշկական համալսարանում է ուսումը շարունակել։
