«Բնության հետ կռվըմ ենք». տավուշցիների՝ սահմանային և սոցիալական վիճակի հետ կապված մտահոգությունները
Հուլիս 06,2024 12:00
Նոյեմբերյան քաղաքը գտնվում է հայ-ադրբեջանական սահմանից 4,5 կմ հեռավորության վրա: 1992-94թթ.-ի հրետակոծությունները լուրջ ավերածություններ են հասցրել Նոյեմբերյանի շենքերին ու ենթակառուցվածքներին։
Մտապատկերում ունենալով 90-ականների տևական հրետակոծություններն ու թշնամու դավադիր վարքը, տեղաբնակները պնդում են, որ սահմանային վիճակի և անվտանգության հետ կապված անորոշությունը միշտ առկա է:
Նախկինում այս տարածաշրջանում բազմաթիվ արտադրական ձեռնարկություններ կային, որոնք մթերում էին բերք ու բարիքը, նաև աշխատատեղեր ապահովում: Այսօր, բնականաբար, այդ ներուժը չկա, հողի մշակը հույսը դրել է սեփական ուժերի և միջոցների վրա, և շատ դեպքերում նրանց սպասելիքները չեն արդարանում:
