«Ուզում եմ, որ ընտանիքով մնանք Գյումրիում, ինձ հոգեհարազատ դարձած քաղաքում». Շողիկ Դադասյան
Հուլիս 08,2024 21:01
Դադասյանների բազմազավակ ընտանիքը տեղահանվել է Ստեփանակերտից, նախ հաստատվել են Դիլիջանում, սակայն 2024 թ.-ի փետրվարից նոր վարձով տուն են գտել Գյումրիում և տեղափոխվել: Շողիկ և Արտյոմ Դադասյանները ունեն 5 երեխա: Ավագ որդին՝ Գարիկը ուզում է արտագնա աշխատանքի մեկնել, իսկ 18-ամյա Անգելինան արդեն սկսել է աշխատել մթերային խանութում:
Ընտանիքի զույգ երեխաները՝ Անաստասիան և Գագիկը 11 տարեկան են, երկուսն էլ իրենց արվեստի բնագավառում են տեսնում, իսկ 5-ամյա Արթուրի հիմնական զբաղմունքը հեռախոսն է, խաղալիքները մնացել է Արցախում: Տիկին Շողիկը ուզում է մնալ Գյուրիում, վստահ է՝ կկարողանան հարմարվել ու աշխատել:
