Սալլի գյուղի առեղծվածը. գյուղացիները 1 ամսում հրաժարվեցին հարյուրամյակների ավանդական զբաղմունքից
Հուլիս 27,2024 11:00
Վայոց Ձորի մարզի գյուղերում այս տարի խոտն առատ է ու էժան: 2-3 տարի առաջ գյուղացին 1 հակ խոտի համար մինչև 2000 դրամ էր վճարում: Հիմա 1 հակ խոտը Եղեգիս համայնքի գյուղերում 500-800 դրամ է: Խոտն էժան է, բայց դաշտերում է մնում, անասնագլխաքանակը շատ է կրճատվել, խոտի մեծ քանակություն գյուղացուն այլևս պետք չէ: Ասում են՝ վերջին շրջանում ծախսերը շատ են ավելացել, եկամուտը՝ նվազել, դրա համար էլ մարդիկ հրաժարվել են անասնապահությունից:
1 ամսում Սալլի գյուղում վերացրել են մանր եղջերավորների ամբողջ գլխաքանակը: Բնակավայրի վարչական ղեկավար Մարտին Սարգսյանի համար առեղծված է մնում այն, թե գյուղի բնակիչներն ինչո՞ւ մի մարդու նման այդ քայլին գնացին ու միանգամից վերացրին 270 գլուխ անասունը:
