ԼՂ հայերը վերադարձի իրավունք ունեն. ՀՀ-ում Ֆրանսիայի դեսպանը՝ Նիդերլանդներում ադրբեջանցի պաշտոնյային
Հուլիս 29,2024 10:48
Լեռնային Ղարաբաղի հայերը վերադարձի իրավունք ունեն։ Հայաստանում Ֆրանսիայի դեսպան Օլիվիե Դըկոտինյին այսպես է պատասխանել Նիդերլանդներում ադրբեջանական դիվանագիտական առաքելության ղեկավարին։
X սոցիալական ցանցում հեռակա բանավեճի առիթ է դարձել ֆրանսիացի դիվանագետի գրառումը, Օլիվիե Դըկոտինյին մեջբերել էր օլիմպիական խաղերի բացման ժամանակ «France 2»-ի հաղորդավարի ասածը։
Ամստերդամում Բաքվի բանագնացին դա դուր չէր եկել, նա պատասխան գրառմամբ հանդիմանել էր Դըկոտինյիին։ Վերջինս էլ որոշել է չլռել և Ռահման Մուստաֆաևին հիշեցրել է Լեռնային Ղարաբաղի հայերի օրինական իրավունքների մասին, որոնք ամրագրված են միջազգային դատարանի կողմից։
